"Şamaxı"nın sabiq hücumçusu Belaydi Pusi Rusiyada adından söz etdirir.
Sportinfo.az xəbər verir ki, "Fakel"də çıxış edən albaniyalı forvard I Liqanın bombardiridir.
Pusi Voronej təmsilçisinin heyətində 21 turdan sonra 13 qol vurmağı bacarıb. 27 yaşlı ön xətt oyunçusu həmçinin 3 məhsuldar ötürmənin də müəllifi olub.
"Şamaxı" Belaydi Pusini bu ilin fevral ayında "Fakel"ə 150 min dollara satıb. Onun Rusiya klubu ilə müqaviləsi mövsümün sonunda başa çatır.
