"Osiyek”in erməni futbolçusu Stepa Mkrtçyan komandasının UEFA Konfrans Liqasında "Zirə” ilə cavab oyunu üçün Bakıya gəlməyəcək.
Sportinfo.az xəbər verir ki, bu barədə ermənu idman jurnalisti Suren Meliksetyan məlumat yayıb.
"Qərar Xorvatiya klubunun rəhbərliyi tərəfindən futbolçunun təhlükəsizliklə bağlı əlaqədar qəbul edilib" deyə erməni jurnalist bildirib.
Zəruri olaraq qeyd edək ki, bu günə qədər Azərbaycanda keçirilən idman tədbirlərində Ermənistan nümayəndələrinin təhlükəsizliyi yüksək səviyyədə təmin olunub və onlarla bağlı heç bir problem yaranmayıb.
Əksinə, ötən il İrəvanda təşkil olunan ağır atletika üzrə Avropa çempionatının açılış mərasimində Azərbaycan bayrağı yandırılıb.
"Zirə" - "Osiyek" görüşü avqustun 15-i keçiriləcək. Bu komandalar arasında ilk matç 1:1 hesabı ilə başa çatıb.
Mərkəz müdafiəçisi Stepa Mkrtçyan “Zirə” ilə Xorvatiyadakı ilk oyunda əsas heyətdə yer alıb və 63 dəqiqə meydanda olub.
