COP29

Bakıda saxlanılan Vardanyanın şikayəti rədd edildi - Həbs müddətinin uzadılması ilə bağlı

27 May 15:30 Hadisə 247
Bakıda saxlanılan Vardanyanın şikayəti rədd edildi - Həbs müddətinin uzadılması ilə bağlı

Qarabağdakı keçmiş qondarma qurumun “dövlət naziri” Ruben Vardanyan həbs müddətinin uzadılması ilə bağlı qərardan narazı qalıb.

“Qafqazinfo”nun əldə etdiyi məlumata görə, R.Vardanyan vəkili vasitəsilə Səbail Rayon Məhkəməsinin qərarından apellyasiya şikayəti verib. Şikayət ərizəsində həbs qərarının ləğv edilməsi istənilib.

Şikayətə Bakı Apellyasiya Məhkəməsində baxılıb. Hakim Habil Məmmədov xüsusilə ağır cinayətdə ittiham olunan müttəhimlə bağlı birinci instansiya məhkəməsinin qərarını qanunauyğun hesab edib.

Qərara əsasən, apellyasiya şikayəti əsassız olduğundan rədd edilib.

Ruben Vardanyan ötən il Qarabağda saxlanılaraq Bakıya gətirilib. Ona qarşı ilkin olaraq Cinayət Məcəlləsinin 214-1 (terrorçuluğu maliyyələşdirmə), 279.3 (qanunvericiliklə nəzərdə tutulmayan silahlı birləşmələrin və ya qrupların yaradılmasında və fəaliyyətində iştirak etmə) və 318.1-ci (Azərbaycan Respublikasının dövlət sərhədini qanunsuz olaraq keçmə) maddələri ilə ittiham verilib, barəsində həbs qətimkan tədbiri seçilib. 10 gün əvvəl istintaqı aparan Dövlət Təhlükəsizliyi Xidmətinin (DTX) vəsatəti əsasında həbs müddəti 5 ay uzadılıb.

Digər Xəbərlər
Xəbər Lenti
21 İyun 17:50 Çək və bizə göndər!