Sosial şəbəkələrdə qədim əşyaların alqı-satqısını həyata keçirən səhifələrin birində futbolla bağlı əşya satışa çıxarılıb.
Söhbət 2021-ci ilin mayın 27-də Alanyada Türkiyə və Azərbaycan milliləri arasında baş tutan oyunla bağlı hazırlanmış stolüstü medaldan gedir.
Elanı yerləşdirən Mehdi Abbasovdan aldığımız məlumata görə, əşyanın satılmasını ondan kolleksiya həvəskarı olan tanışı xahiş edib.
Türkiyə Futbol Federasiyasının hər oyun üçün hazırladığı medalı həmin şəxs qardaş ölkədən əldə edib.
Hələ ki, suvenirin dəqiq satış qiyməti yoxdur.
Potensial müştərilərin arasında auksiona çıxarılan əşyaya ən çox pul xərcləmək istəyən şəxs qənimətə sahib olacaq. Satış qiyməti minimum 50 manatdan başlayır.
HƏBİB / SPORTİNFO.AZ
