QƏZƏBLƏNDİRDİ: Onlarla deyib-güldüyü və zarafat etdiyi üçün - FOTO

6 May 2021 15:20 Hadisə 930
QƏZƏBLƏNDİRDİ: Onlarla deyib-güldüyü və zarafat etdiyi üçün - FOTO

"Real" azarkeşləri komandanın futbolçusu Eden Azarın İngiltərədə "Çelsi"yə 0:2 hesabı ilə uduzduqları yarımfinal mərhələsinin cavab görüşündən sonrakı davranışından qəzəbləniblər.

Sportinfo.az xəbər verir ki, bununla bağlı "Daily Mail" "Əsl həqiqətdə "Real Madrid" onun vecinə deyil" başlıqlı yazı dərc edib.

Qarşılaşmanın ardından belçikalı hücumçu keçmiş komanda yoldaşları ilə gülüşərək zarafatlaşıb. Həmin an teleyayıma düşüb və "kral klubu" azarkeşlərində xeyli neqativ emosiya yaradıb.

Azar "Real Madrid"ə 2019-cu ilin yayında "Çelsi"dən 100 milyon avroya keçib.

"Zadəganlar" İspaniya paytaxtında 1:1 hesablı heç-heçə etdikləri üçün iki oyunun yekununda "kral klubu"nu üstələyərək, finala yüksəliblər.

Mayın 29-da Türkiyənin İstanbul şəhərindəki "Atatürk" Olimpiya Stadionunda keçiriləcək final oyununda "Çelsi" "Mançester Siti" ilə qarşılaşacaq.

Eden Azarın bu hərəkəti Real Madrid azarkeşlərini qəzəbləndirdi

Digər Xəbərlər
Xəbər Lenti