Ötən mövsüm “Qarabağ”ın, bu yay isə “Neftçi”nin transfer etmək istədiyi Ceyson Lokilo yeni komandası ilə bağlı qərar verib.
Sportinfo.az xəbər verir ki, 25 yaşlı vinger Azərbaycana yox, Bolqarıstana yollanıb.
Belə ki, Konqo əsilli belçikalı futbolçu ÇSKA(Sofiya) ilə anlaşıb. O, Bolqarıstan nəhəngi ilə üç illik müqavilə imzalayıb.
Lokilo karyerası ərzində “Kristal Pelas”, “Loryen”, “Donkaster”, “Qornik”, “Sparta”(Rotterdam), “İstanbulspor”, “Hall Siti”, “Vizela” klublarında oynamışdı.
