Koronavirusa yoluxan məşhur futbolçu Maruan Fellaini xəstəxana palatasında məşqi ilə bağlı görüntüləri yayıb.
Sportinfo.az xəbər verir ki, o, videonu “Instagram” səhifəsində paylaşıb.
“Xəstəxanadayam, lakin günü-gündən güclənirəm”, - deyə, yazıb.
Çinin “Şandun Lunen” klubunun belçikalı futbolçusu və 2018-ci il dünya çempionatının bürünc mükafatçısı olan Fellaini hazırda Tszinan xəstəxanasındadır.
Fellaini İngiltərə Premyer liqasında çıxışı ilə tanınıb. Müxtəlif illərdə o, “Everton” və “Mançester Yunayted”də oynayıb.