Kriştiano Ronaldo cari mövsüm başa çatdıqdan sonra “Əl-Nəsr”i tərk edə bilər.
Sportinfo.az xəbər verir ki, bu barədə “Marca” nəşri məlumat yayıb.
Portuqaliyalı hücumçunun bu qərarı qarşıdan gələn Klublararası dünya çempionatında iştirak etmək istəyi ilə əlaqələndirilir. Turnir 14 iyun -13 iyul tarixlərində ABŞ-da keçiriləcək.
40 yaşlı futbolçu yarışa vəsiqə qazanmış klublardan gələcək təklifləri dəyərləndirməyə hazırdır.
Ronaldo 2023-cü ilin əvvəlindən “Əl-Nəsr”in formasını geyinir. Onun klubla müqaviləsinin müddəti bu ilin yayına qədərdir.
.jpg)
