Azərbaycan futbol tarixində ilk yaşanıb.
Sportinfo.az xəbər verir ki, “Barselona”nın “Juvenil B” komandasının düşərgəsində məşqlərə qoşulan azərbaycanlı futbolçu İbrahim Babayevlə müqavilə imzalanıb.
O, artıq “Barselona”da oynayacaq.
2008-ci il təvəllüdlü oyunçu Azərbaycan millisinin üzvüdür. O, bundan əvvəl İsveçrə “Servett”ində oynayıb.
İmza mərasimində “Barselona” gənclər heyətinin direktoru Soler Ferre və məşhur ispan futbolçusu Xose Ramon Aleksanko iştirak ediblər.
İş adamı Adnan Əhmədzadə özünün sosial media hesabında imzalanma mərasimindən video paylaşıb.
