Əminəm ki, Mahir Emreli ən azı yarım saat oynaya biləcək.
Sportinfo.az "Bild" nəşrinə istinadən xəbər verir ki, bunu “Nürnberq”in baş məşqçisi Miroslav Kloze deyib.
"Mahirin əvvəldən oynayıb-oynamayacağını hələlik bilmirəm. Bu, onun üçün erkən ola bilər", - deyə mütəxəssis bildirib.
Azərbaycanlı hücumçu "Ulm" komandasına səfərdə 2:1 hesabı ilə qalib gəldikləri II Bundesliqanın V turunun matçında iştirak ərizəsində yer alıb.
"Nürnberq” sentyabrın 21-də "Herta"nı qəbul edəcək.
