Azərbaycanın qadın basketbolçulardan ibarət millisinin Avropa çempionatının seçmə qrup mərhələsində keçirəcəyi son iki görüşün məkanı və saatları müəyyənləşib.
Sportinfo.az xəbər verir ki, bu barədə Azərbaycan Basketbol Federasiyasının mətbuat xidmətindən məlumat yayıb.
Millimiz fevralın 6-da Ostende şəhərində yerləşən “COREtec Dome” arenada qrup lideri Belçika yığmasının qonağı olacaq.
Bundan üç gün sonra - fevralın 9-da komanda “Sərhədçi” İdman Mərkəzində Polşanı qəbul edəcək.
Belçika ilə oyun Bakı vaxtı ilə saat 23:15-də, Polşaya qarşı matç isə 17:00-da başlayacaq. Yarışın final mərhələsi 2025-ci ilin iyununda olacaq.
