Avropa Liqasının qrup mərhələsinin son turunda Azərbaycan çempionu “Qarabağ”la qarşılaşacaq “Düdelanj” ciddi itki ilə üzləşib. Sportinfo.az xəbər verir ki, Lüksemburq təmsilçisi ən yaxşı bombardirini itirib.
Komandasının qrupda vurduğu 7 qoldan 4-nə imza atan Danel Sinani dekabrın 12-də “Qarabağ”a qarşı keçiriləcək matçda oynamayacaq.
Buna səbəb futbolçunun cəzalı duruma düşməsidir. APOEL-lə dünən keçirilən V turun matçında qırmızı vərəqə alan 22 yaşlı yarımmüdafiəçi Bakıdakı qarşılaşmanı buraxacağndan Bakıya da gəlməyəcək.