Avropa Liqasının qrup mərhələsinin III turunda “Qarabağ”la qarşılaşacaq APOEL artıq Bakıdadır.
Sportinfo.az-ın əməkdaşı xəbər verir ki, bu dəqiqələrdə mətbuat konfransı keçirən qonaqlardan Roman Bezyak sualları cavablandırıb.
30 yaşlı serb futbolçu Bakıya qələbə dalınca gəldiklərini bildirib: "Düşünmürəm ki, “Qarabağ”dan hansısa cəhətə görə çəkinirik. Bir dəfə bu rəqibi üstələmişik. Ruhla gücümüzü ortaya qoyub, qalib gəlməyə çalışacağıq. “Qarabağ”ın revanş ehtirası onların problemidir. Nəyin qisasını alıb-almamaları onların işdiir. Stadionun dolu olması gözəldir. Belə atmosfer futbol üçün əladır. Ancaq bizim oyunumuza təsir etməyəcək".