APOEL "Qarabağ"a qol vuran futbolçusunu Bakıya gətirmir - FOTOREPORTAJ

23 Oktyabr 2019 12:02 Avropa Liqası 1 066
APOEL "Qarabağ"a qol vuran futbolçusunu Bakıya gətirmir - FOTOREPORTAJ

Bu gün Kipr APOEL-i oktyabrın 24-də keçirəcəyi avrokubok qarşılaşmaları üçün Azərbaycana iki komanda ilə səfərə çıxacaq.

Sportinfo.az xəbər verir ki, Bakıya gələn təyyarədə klubun əsas və U-19 kollektivləri yer alacaq. Onlardan birincisi Tofiq Bəhramov adına Respublika stadionunda "Qarabağ"ın qonağı olacaq

Avropa Liqasının qrup mərhələsinin III tur matçı üçün Bakıya Tomas De Vinsentidən başqa bütün futbolçular gələcəklər. De Vinsenti Çempionlar Liqasının III təsnifat mərhələsinin cavab görüşündə (2:0) Ağdam komandasının qapısına ilk qolu vurmuşdu. O, həmin qola 34-cü dəqiqədə penaltidən imza atmışdı.

APOEL-in U-19 komandası isə "Qəbələ" ilə UEFA Gənclər Liqasının ilkin mərhələsinin cavab görüşündə üz-üzə gələcək. Matç Qəbələ şəhər stadionunda keçiriləcək. İlk matç 1:1 hesablı heç-heçə ilə yekunlaşıb.

"Qəbələ" ilə oyun sabah saat 14:00-da, "Qarabağ"la qarşılaşma isə saat 20:55-də başlayacaq.

Digər Xəbərlər
Xəbər Lenti