"Düdelanj"ın prezidenti Romain Şumaxer İspaniya mətbuatına açıqlama verib.
Sportinfo.az xəbər verir ki, "Estadio Deportivo"ya danışan klub rəhbəri komandasının Avropa Liqasının qrup mərhələsindəki çıxışı və növbəti mərhələ şanslarını dəyərləndirib:
"APOEL-i səfərdə məğlub etmişdik. Lakin "Qarabağ"la evdəki oyunda üç xalı qazana bilmədik. Hazırda bizim imkanlarımız çox deyil. Amma missiyamızın mümkünsüz olmadığını düşünürəm. İstənilən halda indiki vəziyyətdə qrupdan çıxmaq şansımızın qalması belə, bizim kimi həvəskar komanda üçün böyük işdir".
