"Qələbəyə baxmayaraq, mərhələni "Qarabağ" da keçə bilərdi.
Buna görə heç vaxt məyus olmazdıq".
Sportinfo.az xəbər verir ki, bunu "Nant"ın baş məşqçisi Antuan Kombuare Yunanıstanda "Olimpiakos"a 2:0 hesabı ilə qalib gəldikləri Avropa Liqasının qrup mərhələsinin VI tur matçından sonra mətbuat konfransında deyib.
59 yaşlı mütəxəssis bildirib ki, son tur öncəsi bütün diqqətləri öz oyunlarında olub:
"Bakıdakı görüşü düşünmürdük. Peşman olmamaq üçün qalib gəlmək istəyirdik. Əsas odur ki, qrupdan başımız dik çıxdıq".
G qrupunda 2-ci pilləni tutan "Nant" Avropa Liqasının pley-off mərhələsində Çempionlar Liqasından gələn komandalardan biri ilə qarşılaşacaq.
