Xırdalan şəhərindəki AAAF Park Yaşayış Kompleksinin yarış zalında yaşı 20 və 23-ə qədər olan gənclər arasında ağır atletika üzrə Azərbaycan birinciliyinə start verilib. Sportinfo.az xəbər verir ki, yarışda ölkənin bütün regionlarından klub və cəmiyyətləri təmsil edən yüzdən çox atlet iştirak edir.
Kişilərin mübarizəsində körpücük üzərinə ilk olaraq çəkisi 56 kq-a qədər olan gənclər çıxıblar. Qızıl medala toplam 208 kq (96+112) nəticə ilə Emin Mirzəyev sahib çıxıb. Fəxri kürsünün ikinci pilləsində 204 kq (90+114) nəticə ilə Ruslan Rzazadə, üçüncü yerdə isə 198 kq (93+105) nəticə ilə Rüstəm Qasımov qərarlaşıb.
Çempionatın təşkilində məqsəd idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.
| N | Adı | İl | Şəhər | Klub | Çəki | Birdən | Təkanla | Toplam |
| 1. | Mirzəyev Emin | 1997 | Lerik | Zirvə | 55.40 | 96 | 112 | 208 |
| 2. | Rzazadə Ruslan | 1998 | Lənkəran | Zirvə | 54.30 | 90 | 114 | 204 |
| 3. | Qasımov Rüstəm | 2002 | Lənkəran | Zirvə | 54.90 | 93 | 105 | 198 |
| 4. | Həsənli İsa | 2002 | Lənkəran | Zirvə | 54.10 | 79 | 106 | 185 |
| 5. | Əskərzadə Samir | 2002 | Neftçala | Zirvə | 55.80 | 83 | 101 | 184 |
| 6. | Qəzənfərov Mehman | 1995 | Gəncə | Təhsil | 56.00 | 80 | 95 | 175 |
| 7. | Zeynalov Əli | 2000 | Goranboy | Təhsil | 55.40 | 75 | 90 | 165 |
| 8. | Paşayev Rövşən | 1998 | Gəncə | Təhsil | 55.70 | 76 | 82 | 158 |
