I Divizionda VI turun oyunları keçirilir.
Sportinfo.az xəbər verir ki, "İmişli" öz meydanında "Səbail-2"ni qəbul edib.
Qarşılaşma qonaqların 3:2 hesablı qələbəsiylə başa çatıb.
"Dənizçilər"in heyətində Mahmud Qurbanovun əsas komandadan uzaqlaşdırdığı iki futbolçu fərqlənib. Luvaqa Kizito və Tural Bayramlı adını tabloya yazdırıb.
Xallarını 9-a yüksəldən "Səbail-2" turnir cədvəlinin 6-cı pilləsində qrarlaşıb. Bütün oyunlarda məğlub olan "İmişli" isə sonuncu yerdədir.
"İmişli" - "Səbail-2" 2:3
Qollar: Comərd Baxşəliyev, 23, Babək Yaqublu, 71 - Kizito Luvaqa, 11, Tural Bayramlı, 42, Ayaz Mikayılov, 84