Qadın voleybolçulardan ibarət Azərbaycan millisi Tokio-2020-nin seçmə mərhələsinə hazırlığını davam etdirir.
Sportinfo.az xəbər verir ki, hazırda Bolqarıstanda olan komandamız təlim-məşq toplanışı çərçivəsində növbəti yoldaşlıq oyununu keçirib.
Covanni Kapraranın yetirmələri bu dəfə də meydan sahibləri ilə qarşılaşıblar. Dünən olduğu kimi, bu gün də görüş 4 hissə davam edib.
Lakin bu dəfə sevinən tərəf millimiz olub - 3:1 (25:23, 25:14, 17:25, 25:21). Ilk oyunda yığmamız 1:3 hesabıyla məğlub olmuşdu.
