"İspaniya sürətli voleybol oynayan bir komandadı və biz bir daha buna şahid olduq".
Sportinfo.az xəbər verir ki, bunu qadın voleybolçulardan ibarət Azərbaycan yığmasının baş məşqçisi Covanni Kaprara deyib.
İtaliyalı mütəxəssis Qızıl Avropa Liqasında millimizin İspaniyaya 0:3 hesablı məğlubiyyətini şərh edib. O bildirib ki, ikinci matçda ikinci məğlubiyyəti alsalar da, komandasından razı qalıb:
"Rəqibimiz bütün zonalarda da yaxşı oyun göstərdi. Buna baxmayaraq, komandamın oyunundan razı qaldım.
Biz bu günki qarşılaşmadan nəticə çıxararaq, növbəti matça daha ciddi hazırlaşmalıyıq. Rəqib Finlandiya yığması olacaq. Onlar da sürətli voleybol oynayan komandadı".
