"Beşiktaş" Sərgən Yalçının komandanın sükanı arxasına təyinatını açıqlayıb.
Sportinfo.az klubun saytına istinadən xəbər verir ki, İstanbul təmsilçisi yeni baş məşqçisi ilə 1,5 illik müqavilə imzalayıb. "Qara qartallar" bu gün 47 yaşlı mütəxəssisin rəhbərliyi altında ilk məşqinə çıxıb.
"Beşiktaş"ın yetirməsi olan Sərgən son olaraq "Malatyaspor"u çalışdırıb. Gənc mütəxəssis indiki postda bir neçə gün öncə istefaya göndərilən Abdullah Avcını əvəzləyib.
