“Bir qədər əsəbi idim, çünki bu oyundan 3 xalla ayrılmaq istəyirdik”.
Bu sözləri Sportinfo.az-a açıqlamasında “Sabah”ın legioneri Jarl Marqarita deyib.
Masazır təmsilçisi Premyer Liqanın 8-ci turunda “Səbail”lə qarşılaşıb. “Bayquşlar” Bayılda keçirilən matçın gedişində üstün durumda olsa da, son dəqiqələrdə qələbəni əldən verib.
70-ci dəqiqədə Kahim Parrisin yerinə meydana daxil olmuş niderlandlı yarımmüdafiəçi oyundan sonra hədsiz əsəbi görünürdü.
Nə baş vermişdi? Kimə hirslənmişdi?
Özünü dinləyək:
“Qalib gəlmək üçün çox çalışmışdıq. Lakin bu əsəb kiməsə yönəlməmişdi.
Sadəcə, qalib gələ bilməməyimizin verdiyi təəssüfdən qaynaqlanırdı”.
