AFFA İntizam Komitəsi (İK) Azərbaycan Premyer Liqasının 25-ci turunda yaşananlara hüquqi qiymət verib.
Sportinfo.az xəbər verir ki, “Sabah”ın hücumçusu Anatoli Nuriyev “Kəpəz”lə qarşılaşmada ikinci sarı vərəqəni aldığı üçün bir matçlıq cəzalanıb.
Klub bunun üçün 200 manat ödəcəyək.
“Kəpəz”in hücumçusu Abdullahi Şuaybu birbaşa qırmızı vərəqə aldığına görə iki oyunluq cəza alıb. Gəncə təmsilçisi bunun üçün 1600 manat ziyana düşüb.
Həmin qarşılaşmada “Kəpəz” fanatları hakimləri kütləvi sürətdə təhqir etdikləri üçün klub 4000 manat ödəməli olacaq.
