“Sabah” qarşıdakı günlərdə yeni transferləri reallaşdıracaq.
Bu barədə Sportinfo.az-a klubun baş icraçı direktoru Ramin Həsənov bildirib.
Onun sözlərinə görə, komandanın gücləndirilməsi istiqamətində addımlar atılır: “Axtarışlarımız davam edir. Amma ötən illərlə müqayisə etsək, elə də çox legioner götürməyəcəyik.
2-3 transfer? Burada əsas odur ki, baş məşqçinin istəyinə, onun oyun fəlsəfəsinə uyğun olsun. Kimlər uyğun gəlsə, onları da komandaya cəlb edəcəyik”.
“Sabah” bu yay 4 yeni futbolçu gətirib ki, onların ikisi yerli, ikisi də legionerdir: Elvin Camalov ("Zirə"), Səlahət Ağayev ("Neftçi"), Xuan Kamara ("Yagelloniya", Polşa: icarəyə), Coy-Lens Mikels (“Maastrixt”, Niderland).