“Məni yalnız öz komandamız maraqlandırır”.
Sportinfo.az xəbər verir ki, bunu apasport.az-a açıqlamasında “Sabah”ın prezidenti Maqsud Adıgözəlov Azərbaycan Premyer Liqasının XXIV turunda “Neftçi” ilə oyundan sonra yaşanan hadisələrə münasibət bildirərkən deyib.
2:2 hesabı ilə başa çatan matçdan sonra hər iki komandanın məşqçi və futbolçu heyəti dava-dalaşda iştirak edib, hətta “Neftçi”nin baş məşqçisi Samir Abasov mətbuat konfransında qarşı tərəflə bağlı qeyri-etik ifadələr də işlədib.
Məsələ ilə bağlı geniş danışmağa ehtiyac görməyən Adıgözəlov rəqibin çalışdırıcısına məsləhət də verib:
“Samir Abasovun fikirlərini şərh etməyə ehtiyac görmürəm. Sadəcə onu deyə bilərəm ki, Abasov futbolçularımızla bağlı danışmağa sərf etdiyi enerjini öz komandasına yönləndirsə, daha yaxşı olar”.
