Region Liqasında 2021/22 mövsümünün qalibi müəyyənləşib.
Sportinfo.az xəbər verir ki, final oyununda “Xan Lənkəran”a 1:0 hesabı ilə qalib gələn “Cəbrayıl” çempion olub.
Şamaxı şəhər stadionundakı matçda yeganə qolu 79-cu dəqiqədə Tapdıq Əhmədov vurub. Görüşün əsas vaxta əlavə olunmuş 5-ci dəqiqədə Lənkəran təmsilçisinin futbolçusu Aqşin Paşazadə penaltidən yararlana bilməyib.
Qarşılaşmadan sonra meydançada maraqlı anlar yaşanıb. Qalib tərəfin futbolçuları qələbə sevincini bir-birləri ilə bölüşərkən, “Xan Lənkəran” göz yaşlarını saxlaya bilməyib.