“Qarabağ"ın U-19 komandası UEFA Gənclər Liqasında 2-ci tur oyununa çıxıb.
Sportinfo.az xəbər verir ki, Rəşad Sadiqovun komandası Bakıda "Kopenhagen"lə (Danimarka) qarşılaşıb.
"Azərsun Arena"da keçirilən matç saat 14:00-da başlayıb. Azərbaycan təmsilçisi 0:5 hesabı ilə acınacaqlı məğlubiyyətə uğrayıb.
“Kopenhagen”in qollarını Ankamafio (20-ci dəq.), Olsen (22), Dadason (28) və Frimpong (63, 79) vurublar. Bu nəticədən sonra hesabında 0 xalı olan “Qarabağ”ın U-19 komandası 35-ci yeri tutur.
“Qarabağ"ın U-19 kollektivi ilk turda səfərdə "Benfika"ya da ağır hesabla uduzmuşdu - 1:7.
