“Qarabağ”ın futbolçuları Marko Yankoviç və Marko Veşoviçin formasını geyindiyi Monteneqro millisi yoxlama oyununa çıxıb.
Sportinfo.az xəbər verir ki, Robert Prosineçkinin baş məşqçisi olduğu komanda Şimali Makedoniya ilə qarşılaşıb.
Matç Monteneqro millisinin 1:0 hesablı qələbəsi ilə başa çatıb. Yeganə qolu 45-ci dəqiqədə Yovetiç vurub.
Veşoviç və Yankoviç oyuna 61-ci dəqiqədə meydana daxil olublar və sonadək oynayıblar.