“Ölkə xaricinə yollanmadığımız üçün hər hansı əziyyət çəkmədik“.
Sportinfo.az xəbər verir ki, bu sözləri “Qarabağ”ın baş məşqçisi Qurban Qurbanov deyib.
Təcrübəli mütəxssis təlim-məşq toplanışı üçün ölkə xaricinə yollanmamalarında probleblem olmadığını qeyd edib:
“Çünki bu müddətdə ölkə xaricində olsaydıq belə, böyük ehtimalla, cəmi 1 yoxlama matçı keçirəcəkdik.
İkinci oyun olsaydı da, zəif rəqiblə qarşılaşacaqdıq ki, həmin görüşü də əzəvedici heyətlə matçda kompensasiya etdik.
Üstünlüyümüz o oldu ki, buradakı matçı istədiyimiz formatda keçirdik. Ölkə xaricində olsaydıq, bəlkə də buf ormatda oyun keçirə bilməyəcəkdik.
Rəqib razılaşmaya bilərdi. Amma burada hər şey istədiyimiz kimi alındı”.
