İtaliyanın gənclər millisinin sabiq qapıçısı Vinçentso Fiorilyonun Azərbaycanda oynamaq imkanı olub.
Sportinfo.az xəbər verir ki, bunu “Salernitana”nın oyunçusu özü açıqlayıb.
“Yuventus”un keçmiş qolkiperi bildirib ki, 2018-ci ildə “Peskara”da olarkən “Qarabağ”dan təklif alıb:
“Çempionlar Liqasında çıxış edən “Qarabağ” qapıçı axtarırdı və şirnikləndirici təkliflə çıxış etdi. Lakin mən “Peskara”da qalmağı üstün tutdum”.
Vinçentso Fiorilyo 2021-ci ildən “Salernitana”nın şərəfini qoruyur.
