"Qarabağ" və "Zirə" yoxlama oyununda üz-üzə gəlib.
Sportinfo.az xəbər verir ki, qarşılaşma "Azərsun Arena"da gerçəkləşib.
Dörd hissədən (45+25+45+25 dəqiqə) ibarət görüş Ağdam təmsilçisinin qələbəsi ilə bitib - 4:0.
Komandanın ilk qolunu 64-cü dəqiqədə Leandro Andrade vurub. Riçard Almeyda 108-ci dəqiqədə penaltini dəqiq yerinə yetirib.
111-ci dəqiqədə Redon Cica komandasının üçüncü qoluna imza atıb. 120-ci dəqiqədə Nəriman Axundzadə fərqlənib.
"Zirə" ilk yoxlama oyununda "Araz-Naxçıvan"a qalib gəlib - 2:1. "Qarabağ" isə klubun əvəzedici komandasını 7:2 hesabı ilə üstələyib.
