Polşa klubunun baş məşqçisi və köməkçisi "Qarabağ"da - Təcrübə keçirlər

29 Noyabr 2022 13:20 Qarabağ 545
Polşa klubunun baş məşqçisi və köməkçisi "Qarabağ"da - Təcrübə keçirlər

Polşanın III liqasında çıxış edən "Veçista"nın baş məşqçisi Dariuş Marzek və onun köməkçisi Yanusz Svierad "Qarabağ"da təcrübə keçir.

Sportinfo.az xəbər verir ki, hər iki mütəxəssis bu məqsədlə bir həftəlik Bakıya gəlib.

Marzec 2019/2020 mövsümündə "Stal"da işlədiyi dönəmdə belə təşəbbüsünün olduğunu söyləyib:

"Biz bu klubla əlaqəsi olan Avropa Parlamentinin deputatı Tomaş Poreba ilə belə bir təcrübə keçmək şansının mümkün olması barədə danışdıq.

Daim əlaqə saxladığımız üçün bu yaxınlarda yenidən mövzuya qayıtdıq. Bizim praktik olaraq hər şeyə çıxışımız var.

Buradakı heyət çox yüksək peşəkarlıq səviyyəsində fəaliyyət göstərir. Onlarda iş üçün lazım olan hər şey mövcuddur.

"Qarabağ"ın baş məşqçisi Qurban Qurbanovun köməkçiləri Avropanın bir çox tanınmış klublarında təcrübə keçir, müasir futbolun nə olduğunu bilirlər".

53 yaşlı baş məşqçi Ağdam təmsilçisinin məşq etdiyi bazanın heç də böyük olmadığını sözlərinə əlavə edib:

"Stadion, məşq meydançası, hər şəraiti olan otel onların ehtiyaclarını tam ödəyir. Bu səfər bizim üçün fərqli təcrübədir. Çünki başqa ölkədə, fərqli şəraitdə işləməyin necə olduğunu görmək həmişə xoşdur".

Marzek və Svierad Azərbaycan Premyer Liqasının XV turunda "Qarabağ" - "Zirə" (0:0) matçını da izləyiblər.

Digər Xəbərlər
Xəbər Lenti
4 Fevral 02:40 Premyer Liqada 100...