Qadın futbolçulardan ibarət Azərbaycan millisi ilk dəfə təşkil olunan UEFA Millətlər Liqasında keçirdiyi ilk oyunda Kipr ilə heç-heçə edib.
Sportinfo.az xəbər verir ki, “Dalğa Arena”da keçirilən qarşılaşma 1:1 hesabı ilə başa çatıb.
Moldovadan olan hakimlər briqadasının idarə etdiyi görüşün 46-cı dəqiqəsində hesabı Sevinc Cəfərzadə açıb. Qonaqların bərabərlik qolunu isə 66-cı dəqiqədə Elena Aristodimou vurub.
Milli komandamız ikinci oyununu sentyabrın 26-da Podqoritsa şəhərində Monteneqroya qarşı keçirəcək.
