“Uğur”FK-nın qadın futbolçulardan ibarət komandası fəaliyyətini dayandırıb.
Bu haqda Sportinfo.az-a klubun prezidenti Vasif Maşayev məlumat verib.
Onun bildirdiyinə görə, maliyyə problemləri yarandığından, qadınlar arasında ölkə çempionatında təmsil olunmayacaqlar.
Region Liqasının ilk 2 mövsümünün qalibi olan “Uğur” üzümüzə gələn “futbol ili”ndə də iştirak etməyəcək.
Sumqayıt təmsilçisinin rəhbəri bildirib ki, növbəti sezonda iştirakla bağlı AFFA-ya müraciət olunmayıb. O, bunun səbəbi olaraq maliyyə çatışmazlığını göstərib.
“Uğur”un maddi problemlər üzündən ötən iki ildə də Region Liqasında mübarizə aparmadığını xatırladaq.
V.Maşayev hazırda klubun nəzdində yalnız 3 yaş qrupu üzrə (U-10, U-11, U-12) komandalarının fəaliyyətini davam etdirdiyini söyləyib.