“Super Liqa layihəsinin öldüyünü düşünürsüzsə, yanılırsız” – Peres

22 Aprel 2021 15:20 Problem 1 123
“Super Liqa layihəsinin öldüyünü düşünürsüzsə, yanılırsız” – Peres

“Real”ın və Avropa Super Liqasının prezidenti Florentino Peres açıqlama verib.

Sportinfo.az xəbər verir ki, “El Larguero” radiosuna danışan Peres, Super Liqa layihəsini dayandırdıqlarını bildirib:

“Çox məyus oldum. Çünki üç ildir bu layihə üzərində çalışırıq, bəlkə də, düşüncələrimizi yaxşı izah edə bilmədik.

Çempionlar Liqasının formatı köhnədir və yalnız 1/4 final mərhələsindən sonra maraqlı olur. Bu format açıq şəkildə işləmir.

Ona görə də Avropanın böyük komandalarının tez-tez bir-birləri ilə oynayacağı bir formata sahib olan turnirə başlamaq istədik. Burda daha çox pul qazanılacağını fikirləşirdik.

İngiltərə klublarından biri bu layihəni istəmirdi. Ad çəkməyəcəm, ancaq bu klub digərlərinin də fikrini dəyişdi. FİFA böyük tamaşa yaratdı, sanki atom bombası atmışdıq.

Super Liqa layihəsinin öldüyünü düşünürsüzsə, yanılırsız. Layihə dayandırılıb. UEFA və FİFA-dan qorxmuram. Sözlərimi açıq şəkildə deyirəm”.

Aprelin 19-da Avropanın 12 klubu Avropa Super Liqasının yaradıldığını bəyan etmişdi. Yeni turnirin ilkin mərhələsində İngiltərənin “Mançester Yunayted”, “Mançester Siti”, “Tottenhem”, “Liverpul”, “Çelsi”, “Arsenal”, İspaniyanın “Barselona”, “Atletiko”, “Real”, İtaliyanın “Milan”, “İnter” və “Yuventus” klubları iştirak edəcəkdi.

Artıq İngiltərənin “Liverpul”, “Arsenal”, “Mançester Yunayted”, “Tottenhem”, “Mançester Siti”, “Çelsi”, İspaniyanın “Atletiko”, İtaliyanın “İnter”, “Milan” və “Yuventus” klubları Avropa Super Liqasını tərk etdiklərini açıqlayıblar.

Digər Xəbərlər
Xəbər Lenti