"Neftçi" azarkeşlərinin Ramil Şeydayevlə bağlı narahatlığı aradan qalxıb.
Daha əvvəl xəbər verdiyimiz kimi, forvardın "Neftçi"yə transferindən günlər sonra belə sosial şəbəkə hesablarındakı profil şəkilini sabiq komandası "Qarabağ"ın formasında olan görüntüsü bəzəyirdi.
Bu mənzərə "ağ qaralar"ın azarkeşlərini pərişan etmişdi.
Fanatlar həm klub rəsmilərinə, həm də futbolçunun özünə bunun doğru addım olmadığını çatdırmışdılar.
Nəhayət, tərəfdarların etirazı öz bəhrəsini verib.
Şeydayev bir qədər gec olsa da profil şəklini "Neftçi" formasındakı fotosu ilə əvəzləyib.
Xatırladaq ki, "Neftçi" ötən mövsümü "Kocelispor"da keçirən forvardla yayda 3 illik anlaşma imzalayıb.
O, burada 90 nömrəli forma altında çıxış edir.
XANOĞLAN / SPORTİNFO.AZ
