"Neftçi"nin baş məşqçisi Roman Qriqorçuk komandaya yeni transfer edilmiş Andrey Ştoqrin haqda danışıb.
Sportinfo.az xəbər verir ki, klubun rəsmi saytına açıqlama verən təcrübəli mütəxəssis həmyerlisi barədə bunları deyib:
"İnanıram ki, Andrey komandamız üçün vacib fiqur olacaq. O, bir neçə mövqedə oynamağı bacaran universal və ağıllı futbolçudur.
Ştoqrin həm hücumda, həm də müdafiədə eyni gücdə mübarizə apara bilir.
Taktiki planda çox savadlı, fiziki anlamda isə qüvvətlidir. Ona ümidlərimiz böyükdür”.
"Ağ-qaralar" "Çernomorets"də çıxış etmiş Ştorqinlə üç illik müqavilə imzalayıb.
