«Neftçi» heyətini gücləndlirməkdə davam edir.
Buna kimi 4 transfer etmiş «ağ-qaralar» daha bir legionerlə danışıqlar aparır.
Mikael İnqebriqtsenin yaxın günlərdə paytaxt təmsilçisinin düşərgəsinə gəlmək ehtimalı var.
Onun 28 yaşı var və vinger mövqeyində çıxış edir. Norveçli ölkəsinin U-15, U-16, U-18, U-19 və U-21 yığmalarının formasını geyinib.
Yerli «Tromse»nin yetirməsi 2014-2017-ci illəri buradav keçirib. Daha sonra «Göteborq»a keçib.
2018-ci ildə geri qayıdıb və 3 il yenə «Tromse»nin şərəfini qoruyub. 2022-ci ildən bəri «Odds»un uğurları üçün tər töküb.
Roman Qriqorçuku baş məşqçi postuna gətirən «Neftçi» geridə qalan fasilə müddətində 4 transfer əməliyyatı həyata keçirib.
Emil Səfərov, Edvin Kuç, Ramil Şeydayev və Robert Bauerlə müqavilə imzalanıb.
SPORTİNFO.AZ
