"Neftçi" legioneri Mark Tamaşın Konfrans Liqasının II təsnifat mərhələsində "Sumqayıt"ın rəqibi olan "Fehervar"ın saytına verdiyi müsahibə ilə bağlı açıqlama yayıb.
Sportinfo.az xəbər verir ki, "ağ-qaralar" macarıstanlı müdafiəçinin fikirlərinin yanlış anlaşıldığını bildirib:
“Neftçi” PFK-nın futbolçusu Mark Tamaş Macarıstanın “Fehervar” klubunun rəsmi saytına açıqlama verib.
Həmin müsahibədə futbolçumuzun sözləri yanlış anlaşılıb və “Fehervar” Markın o sözləri demək istəmədiyinə aydınlıq gətirib, baş verən anlaşılmazlığa görə təəssüfləndiklərini bildiriblər".
