“Maliyyə ilə bağlı problem yox idi”.
Bu sözləri Sportinfo.az-a açıqlamasında “Neftçi”dən ayrılan Eddi İsrafilov deyib.
Bakılıların müqavilə müddətini uzatmadığı və beləcə, 2 illik “ağ-qara” dönəmi başa çatan millinin yarımmüdafiəçisi gedişi haqda danışıb:
“Yanvarda Miodraq Bojoviç komanda ilə tanış olandan sonra klub rəhbərliyinə məni növbəti mövsümdə “Neftçi”də görmək istədiyini bildirmişdi.
Bundan sonra Yens Andersson mənə yeni müqavilə təklifi göndərdi. Anlaşmanın müddəti 1+1 il idi.
Əvvəl bu şərt xoşuma gəlmədi. Amma maliyyə baxımından problem olmadı, çünki klubun təklifi məni qane edirdi.
Xoşuma gəlməyən bənd, dediyim kimi, müqavilənin müddəti idi”.
