"Beşiktaş"ın yarımmüdafiəçisi Ajdin Hasiç karyerasını Azərbaycanda davam etdirə bilər.
22 yaşlı legionerin xidmətində "Neftçi" maraqlıdır.
"Ağ qaralar" artıq Türkiyə nəhəngi ilə danışıqlara start verib.
Ajdin Zaqreb "Dinamo"sunun yetirməsidir.
2020-ci ildən "Beşiktaş"a məxsusdur.
İstanbul nəhəngində cəmi 13 oyun keçirən orta sahə oyunçusu 2 qolla yadda qalıb.
Bosniya Herseqovinalı futbolçu son 5 mövsümdə 3 kluba icarəyə verilib.
Türkiyədə "Göztəpə" və "Ümraniyəspor", vətənində isə "Sarayeva" onun xidmətindən istifadə edib.
O, başa çatan mövsüm "Sarayeva" formasında 33 oyun keçirib və 9 qol, 6 qol ötürməsi ilə yadda qalıb.
Ölkəsinin bütün aşağı yaş qruplarında oynamış Ajdin əsas milliyə dəvət olunsa da debüt etmək fürsəti olmayıb.
XANOĞLAN / SPORTİNFO.AZ
