COP29

“Neftçi”də yeni gələn baş məşqçiyə azı 3 il vaxt verilməlidir”

21 İyun 19:20 Neftçi 2 158
“Neftçi”də yeni gələn baş məşqçiyə azı 3 il vaxt verilməlidir”

“Burada yeni gələn baş məşqçiyə işləmək üçün azı 3 il vaxt verilməlidir”.

Bu sözləri Sportinfo.az-a açıqlamasında “Neftçi”nin sabiq çalışdırıcısı Miodraq Bojoviç deyib.

Monteneqrolu mütəxəssis ötən ilin dekabrında Adrian Mutunu əvəzləyib. Həmin vaxt onunla 6 ay+1 illik müqavilə imzalanıb.

Balkanlı çalışdırıcı mayın sonunda görəvdən alınıb. Səbəb komandanın son 7 ildə ilk dəfə avrokuboklara vəsiqə qazana bilməməsidir.

Belə ki, “ağ-qaralar” ölkə kuboku ilə yarımfinal mərhələsində vidalaşıbsa, Premyer Liqada 5-ci pilləni tutub.

Bojoviç 6 aylıq “Neftçi” keçmişi haqda qısaca olaraq bunları söyləyib:

“Heç bir məşqçi 1 ilə nəticə verə bilməz. Ən yaxşı halda ikinci ilində nəsə edər.

Amma söhbət “Qarabağ”la baş-başa mübarizə aparmaqdan gedirsə, azı 3 il lazımdır. Başqa cür nəsə etmək çox müşkül məsələdir.

“Neftçi”də çalışmaq mənə böyük təcrübə verdi. Azərbaycan gözəl ölkədir,

Bakı möhtəşəm şəhərdir, insanları isə inanılmaz dərəcədə mükəmməldirlər. Bunları hər yerdə deyirəm”.

Digər Xəbərlər
Xəbər Lenti