Aqil Məmmədovun karyerasını başa vurması və İvan Brkiçlə yolların ayrılmasına qərar verilməsindən sonra "Neftçi" qapı mövqeyi ilə bağlı yaranacaq boşluğu Səlahət Ağayevlə doldurmaq istəyir.
Artıq tərəflər arasında ilkin danışıqlar start götürüb.
"Səbail"dən ayrılan çərçivə qoruyucusu hazırda azad agentdir.
Təcrübəli futbolçunun xidmətində "Turan Tovuz" da maraqlıdır.
Amma 33 yaşlı oyunçunun yüksək maaş tələbi onun bölgə klubuna keçidini əngəlləyir.
Səlahət 2017-21-ci illər arasında "Neftçi" formasını geyinib. O, bu müddətdə 70 matça çıxıb.
Milli komandamızın üzvü "Səbail" və "Neftçi"dən başqa "Sabah", "Qəbələ", MOİK, "Sumqayıt" və "İnter" (indiki "Şamaxı") klublarının da şərəfini qoruyub.
XANOĞLAN / SPORTİNFO.AZ
