COP29

Eddinin “Neftçi”dən “Sabah”a transferi niyə yubanır?

14 İyun 21:20 Neftçi 1 893
Eddinin “Neftçi”dən “Sabah”a transferi niyə yubanır?

“Sabah”ın Eddi İsrafilovu transfer etmək planı bu gedişlə həyata keçməyəcək.

Buna səbəb təcrübəli yarımmüdafiəçinin günü günə satmasıdır.

Çempionat başa çatmamışdan əvvəl “Sabah” rəsmiləri Eddiylə təmasa keçib. Klubun şərtləri təklif olunub, futbolçunun fikirləri dinlənilib, böyük ölçüdə anlaşma əldə olunub. Sonuncu turdan sonra müqavilə bağlanmalıymış.

“Neftçi”nin “Sabah”a üzücü məğlubiyyətindən sonra İsrafilov düşünmək üçün vaxt istəyərək İspaniyaya yola düşüb.

Sonradan “Neftçi”ylə yeni müqavilə bağlamaq variantının olduğunu bildirib, vaxta ehtiyac duyduğunu deyib. Klubdan ona səbrli olmaq tapşırılıb.

“Sabah” keçidin yubanacağını göz önünə alaraq transferdən vaz keçib. “Tələbələr” yaxın günlərdə təlim-məşq toplanışına başlamalıdır, Eddi isə hələ də gözləmə mövqeyindədir.

“Neftçi”dən ona qapını göstərən olmasa, çox güman karyerasını burada davam etdirəcək. Milli üzvü karyerasının son illərini ağ-qara formada keçirməkdə maraqlıdır.

31 yaşlı futbolçu 2022-ci ilin yanvarından “Neftçi”nin şərəfini qoruyur.

HƏBİB / SPORTİNFO.AZ

Digər Xəbərlər
Xəbər Lenti
23 İyul 18:10 Çək və bizə göndər!