“Neftçi” Miodraq Bojoviçin rəhbərliyi altında ilk məğlubiyyətini aldı.
Premyer Liqada “Sabah”la bərabərə qalıb, “Qəbələ”ni udan “ağ-qaralar” ölkə kubokunun 1/4 final mərhələsinin ilk qarşılaşmasında “Sumqayıt”ı məğlub etmişdi.
Lakin “kimyaçılar”la 21-ci tura təsadüf edən oyunda məğlubiyyət qaçılmaz oldu – 1:2.
Görüş başa çatandan sonra bakılıların aparıcı futbolçularından olan Yuri Matias sosial şəbəkə hesabında paylaşım edib.
Braziliyalı müdafiəçi oyundan çəkilən şəklini paylaşaraq bu sözləri yazıb:
“Davam edirik. Cümə günü daha artığı olacaq”.
Matias bu mesajla kubokun cavab görüşünə eyham vurub.
“Neftçi”ylə “Sumqayıt” arasında baş tutacaq kubokun cavab qarşılaşması fevralın 8-də keçiriləcək.
İlk dueldə bakılılar 3:2 hesabı ilə qalib gəlib.
HƏBİB / SPORTİNFO.AZ
