“Neftçi” Premyer Liqada növbəti qələbəsini “Səbail”lə matçda qazandı.
Bayılda 2:0 hesabıyla udduqları qarşılaşmada qonaqların “Forza Neftçi” azarkeş qrupunun 90 dəqiqə ərzində və sonra sərhəddə Ermənistan silahlı qüvvələrinin təxribatının qarşısın alarkən şəhid olan qəhrəmanlarımızı sayğı ilə anması diqqətdən qaçmadı.
Onların "ASCO Arena"da qərarlaşdıqları tribunadan “Bünövrəsi millət olan evdə şəhidlər dayaqdır” yazılı böyük pankar asılmışdı.
Şəhidlərimizlə bağlı şuarlar səsləndirən tərəfdarlar oyundan sonra futbolçularla bərabər, qəhrəmanların şəninə xüsusi yazılmış təzahurat səsləndiribər:
Yarısı evliydi, yarsı nişanlı
Məktəbi qutarıb, dünən yarısı
Eləbil dərddi ki, anlatmaq olmur
Haqqıvı halal et, şəhid anası!
Azarkeşlər və futbolçularla vəhdətin yaratdığı gözəl görüntüləri sizə təqdim edirik:
XANOĞLAN / SPORTİNFO.AZ