Türkiyənin tanınmış futbolçularından Arda Turan karyerasını başa vurduğunu açıqladı.
Sportinfo.az xəbər verir ki, "Neftçi" və Azərbaycan millisinin müdafiəçisi Mert Çelik "Qalatasaray"lı ulduzu karyerasını başa vurması haqda paylaşım edib.
O, Turan haqda bunları yazıb:
"Sənin kimi böyük futbolçudan çox şey öyrəndim. Hər şey üçün təşəkkür edirəm".
"Neftçi"də icarə əsasında çıxış edən Çelik müqavilə ilə məxsus olduğu "Başakşehir"də Arda Turanla komanda yoldaşı olub.
