"Neftçi" hücum xəttini gücləndirmək üçün bir neçə futbolçunu transfer siyahısına daxil edib.
Sportinfo.az xəbər verir ki, sportal.az-a verilən məlumata görə, hazırda "ağ-qaralar"ın siyahısında bir neçə hücumçunun adı yer alıb.
Son günlərdə isə siyahıya Qazaxıstan millisinin forvardı Abat Aymbetovu daxil edilib.
2019-cu ildə Qazaxıstan millisində debüt etmiş 27 yaşlı forvard 19 görüşdə 4 qol vura bilib. “Aktobe”nin yetirməsi olan hücumçu “Kayrat” və “Krılya Sovetov”da da çıxış edib.
O, 2022-ci ildə “Astana”ya keçmişdi. Mənbənin iddiasına görə, Qazaxıstan klubu ilə müqaviləsi dekabrın 31-də başa çatacaq Aymbetovun məhz dövrələrarası fasilədə “Neftçi”yə keçməsi gündəmə gələ bilər.
Aymbetov Qazaxıstan millisinin heyətində Millətlər Liqasının C liqasının 3-cü qrupunun Azərbaycanla görüşündə dubl edərək yığmasına qələbə qazandırmışdı.
