"Hər iki oyunda yaxşı oynadıq. İkinci matçda 120 dəqiqə mübarizə apardıq.
Çox yorucu, eyni zamanda zövq aldığımız görüş oldu".
bunu "Neftçi"nin futbolçusu Mert Çelik Avstriyada "Rapid"ə (Vyana)0:2 hesabı ilə uduzduqları Konfrans Liqasının III təsnifat mərhələsinin cavab oyunu barədə "CBC Sport"da yayımlanan "Çempionlar Liqası özəl" verilişində qonaq olarkən deyib.
Türkiyəli müdafiəçi turnirdə mübarizəni dayandırmalarını bəxtsizliklə əlaqələndirib:
"Qol və ya qollar vura bilərdik. Ötən mövsüm məğlubiyyətimizin səbəbi təcrübəsizlik idi.
Bu dəfə isə şanssızlığın qurbanı olduq. Çünki hər iki matçda "Rapid"dən daha yaxşı oynadıq".
