Azərbaycanın əsas millisində ayrılıqlar yaşanıb.
Xəyal Əliyevlə Şahin Şəhniyarov komandanı tərk edib.
Hər iki futbolçu Fernandu Santuşu əvəzləyən Ayxan Abbasovun istəyi ilə U-21 millisinə qoşulacaq.
Səbəb Xəyalla Şahinin beynəlxalq oyunlarda daha çox şans və təcrübə qazanmasıdır.
Yeni baş məşqçi yaxından tanıdığı futbolçuların A millidə ehtiyat oyunçular skamyasında əyləşməsindənsə, U-21-də “11-lik”də yer almalarını məqsədəuyğun sayıb.
Azərbaycan millisini sentyabrın 9-da, saat 20:00-da Tofiq Bəhramov adına Respublika stadionunda Ukrayna millisi ilə qarşılaşacaq.
U-21 millimiz isə həmin gün, saat 18:00-da “Liv Bona Dea Arena”da Bolqarıstandan olan həmyaşıdlarını qonaq edəcək.
HƏBİB / SPORTİNFO.AZ
